Namibia adimbuluka efiku lo TB mounyuni

Omunambelewa omukulunhu elilepo oshikondo shouhaku moshitopolwa sha Zambezi Woita Kapumburu, okwati onghalo yomukifi wo malaria ota yeende no kuya pombada moshitopolwa okudja pehovelo la March.

Kapumburu edi okwe dipopila komudingonoko wa Nakabolelwa,ta haungwa moshikadjo hoololo sha   Kabbe South, omo mwadimbulukilwa efiku lomukifi wo TB onghela.

Kapumburu okwati omuvalu wovanhu vedulife po 2,000 ohava lopotwa vaningwa oihakanwa oshivike keshe moshitopolwa osho tati ota sheetififfa omalimbililo.

Okwati fiyo opapa ovanhu vedulife po 400 ovatambulilwa moipangelo omanga ovanhu veli 9 valopotwa vaxulifa omolwo omukifi.

Okwati nande ongaho ouministry owa tulapo eenghendabala doku adjakaneka ovanambelewa vouhaku komidingonoko dili moshiponga opo vaka kwafele mokuyandja ekwafo louhaku koshiwana shili moupyakadi.

Okwati okuna yoo elinekelo eshi okufu nako kuli po ku hovela kudule okweeta pexulilo etandavelo leemwe.

Kapumburu tadenge natango omufindo nghene omuvalu wovanhu vefike po 403 moshitopolwa sha   Zambezi vaningwa oihakanwa youdu womukifi wo TB ovo vadidilikwa  pefimbo lomutengenekwa faneko woshilamaliwa wo 2024/2025 taulike nghene omukifi wo TB uli natango eshongo mokati koshiwana.

Okwati mokati kaavo va moonika omukifi wo TB, 11 ova didilikwa vaxulifa omanga omuvalu waavo veli kepango wafikama pee 88%, osho tati ota shuulike eyokomesho li liwetikile.

Okwati pefimbo oshiwana tashi dimbuluka efiku lo TB mounyuni,  okwa pula ovakufimbinga aveshe vatwikile noku litulamo meenghendabala davo dekondjifo noku xulifapo omukifi wo TB.

Okwa pula yoo oshiwana shifike pomandiki ouhaku meendelelo ngee shadidilika omadidiliko omukifi wo TB ile malaria.

The post Namibia adimbuluka efiku lo TB mounyuni first appeared on Future Media News.

The post Namibia adimbuluka efiku lo TB mounyuni appeared first on Future Media News.