Ondangwa meshongo lyetale lyohanya

Elelo lyondoolopa ya Ondangwa olya tseyitha kutya onkalo yetale lyonyata oya nayipala, nelelo olyo alike itali shi pondola , nonkene olya kala moonkundathana nuuministeli  womayambulepo giitopolwa yomondoolopa nokomikunda opo ya tale nkene taya tula uukuni kumwe.

Ndhika odha thamunwa komunambelewa omukukuntu-pitithi Ismael Namgongo.

Namgongo tati oyena oompangela ando oku tunga etale epe, kakele molwa iiyemo otaya ende taya shongola.

Shika osha landula sho ekuma lya gupo nomeya taga kungulukamo guuka momagumbo ngoka geli popepi.

Namgongo ta gwedhapo kutya sigo oompaka omagumbo ga7 oga gumwe naanamagumbo oya tembukamo.

Ta tsikileko kutya etale ndyoka olya kulupa kolya kala hali longithwa monale omanga kwali kwaahena omagumbo ogendji, nongashingeyi sho ehumokomeho lyeya omagumbo nomwaalu gwaakalimo ogwa indjipala.

Namgongo okwati onkalo yetale oya tameke mo 2016 lwaampoka, nokwati uuna elelo lya mono iiyemo ya gwana otali kwashilipaleke kutya ayihe oyili kolutenda.

Ngaashingeyi oya ipyakidhila noompangela dhopakathimbo noku hwepopeka onkalo.

The post Ondangwa meshongo lyetale lyohanya first appeared on Future Media News.

The post Ondangwa meshongo lyetale lyohanya appeared first on Future Media News.