Omulumenhu eluumbila momeva okudja ponopa momukunda Okapya noku xulifa

Omulumenhu womido dili  42 eli omukwashiwana wa Angola,  okwa xulifa konima eshi taku lopotwa eluumbila mediva lomeva momukunda Okapya  onghela  ongula yomandaxa

Oshiningwanima osha ningilwa ponopa yondjila yeshina lokolutenda oyo taihangwa pokati kOndangwa nOshakati.

Oo eli omupopiliko wopolifi elilepo oshitopolwa sha Shana omo mwaningilwa oshiningwanima, Chief Inspector Thomas Aiyambo, okwa lombwela oikundaneki kutya oshiningwanima osha holoka  potundi 10h50.

Otaku hokololwa kutya nakufya pefimbo loshiningwanima okwa li omutwaalelwa mosheendifo vahangwa tava di kOndangwa vayuka kOshakati mosheendifo osho shali tashi shingwa komulumenhu womido 30.

Chief Inspector,  tahokolola kutya omanga veli pOkapya, nakufya ali eli omutumba koshipundi shokonima okwa nukila koshiteelinga takendabala oku tanauna osheendifo pefimbo osheendifo shahanga tashi piti ponopa nosha etififa shilidenge moikelelifo yonopa.

Konima eshi osheendifo shakanghma nakufya okweluumba okudja konopa tawile pedu teli toolapo noku luumbila momeva noku xulifa.

Aiyambo, okwati ovatwaalelwa ovo vali mosheendifo na nakufya otava hokolola kutya nakufya okwali taulike ena omadidiliko omunhu ena oupyakadi wopamadilaadilo.

Olutu lanakufya ola tutumbilwa konautalala yopolifi kOshakati, nopefimbo onghundana yapitifwa ovapambele vaye kavali vashiivifilwa natango.

The post Omulumenhu eluumbila momeva okudja ponopa momukunda Okapya noku xulifa first appeared on Future Media News.

The post Omulumenhu eluumbila momeva okudja ponopa momukunda Okapya noku xulifa appeared first on Future Media News.