Aanilonga yaali yehangano lyo Namwater oya hulithile poshiponga,sho ya tyokwa kolusheno komukunda Nankudu moshitopolwa Kavango west ohela. Omunambelewa gopolisi moshitopolwa Chief Inspector Raimbert Muronga okwa koleke oshiningwanima,tati osha holoka lopotundi onti 14h58 ko Nankudu Riverbank,sho kwali taya kambadhala oku pangela eshina ndyoka hali pombo omeya okuza momulonga okuya koshigwana. Oonakusa ayehe aa Namibia ,oya tongololwa

Uuministeli wiikwameni yoshilongo,egameno,nomatembu oweekelehi oolopota dhoshifokundaneki shomoshilonngo kutya aapashiyoni aa Europa otaya kaleke omalweendo gawo okuya mo Namibia ,sho pweetwa omilandu omipe dhoo visa,oshowo o portal yo e-visa ndjoka itaayi longo. Momushangwa gohela,uuministeli oweekelehi oolopota dhoka dha nyanyangidhwa mo The Namibia ohela,tawu yeleke kutya o E-visa for visa on arrival inayi tamekithwa natango. o E-visa

America ohela okwa tulilemo oondjindikila ominista yepangelo lya Rwanda, omolwa onkandangala ye miikolokosha poshiindalongo Congo ,moka oorebel tadhi yambidhidhwa ku Rwanda tadhi kondjitha aakwiita yepangelo lya Congo,noku kwatako iikandjo oyindji,mwa kwatelwa iilando iyali ya simana. Opamwe nominista ya Rwanda yembwango mumwe lyopashitopolwa,James Kabarere,America okwa tulilemo wo oondjindikila omupopiliko gongundu yuurebel yo M23 Lawrence Kanyuka Kingston.