M23 rebels da kwatako odoropa ya  Kasugho, moushilo wa DRC

Ee M23 rebels okwa lopotwa da kwatako odoropa ya  Kasugho, odoropa oyo ta ihangwa moushilo wa   Democratic Republic of Congo (DRC), konima eshi dafindana okudja molwoodi olo lali pokati kavo no matanga epangelo.

Eelopota doikundaneki odati oshiwana omayovi no mafele oshaya onapo okudja modoropa ya  Kasugho, odoropa oyo ya talika ili popepi nomina yakula yo shingoli oshoyo onele yoifitukuti.

Ee rebels  ota kulopotwa da kwatako nale eedoropa dayooloka nomikunda okudja mo 2021,  noku fininika omuvalu wovanhu vefike pee million 2 vaye onapo.

Oshilando sha kwatwako kuyele ota shihangwa eendjila odo da taalela koshilando shakula sha Butembo, oshilando shili endiki lakula loipindi.

Lwopokati oopo oikundaneki oyati oshilongo Uganda  osha adjakaneka ovakwaita vasho popepi no doropa aayo okwaa mena oipindiki yasho moshitopolwa,  oshoyo keengaba davo na DRC.

M23 rebels oku kwatako odoropa aayo oda talika daya pomunghulo eingido layadjwa kovaleli voilyolongo youshilo wa Africa (EAC) oshoyo (SADC).

Oshikondo shinasha neameno mehangano loiwana yahangana (UN) kuyele oshali shapitifa oshitokolifo osho tashi pula opo ee rebels,  dixulifepo omalwoodi noku likufamo meedoropa omo da kwatako nosha pula yoo opo oshilongo Rwanda shixulifepo oku yambidida ee rebels.

Ongudu yee rebels do M23,  oya talika ya fikamifwapo kovanhu vomuhoko wova  Tutsis, ovo velikufile okudja metanga leameno la Congo,  konima yomido 13 nota vayandje oushima kepangelo la DRC,  kutya ota laamene etanga lova Hutus, ovo vatala kutya ovo vali vakufa ombinga mo madipao anghina nghenda oo ali aningilwa oshiwana shova  Rwanda mo 1994.

Nande ongaho epangelo la DRC olaanya okuya meenghundafana nee rebels, tali yandje oushima kutya odili olwaama mbinga na Rwanda.

Nonande ongaho  Rwanda otelikale osho tapopilwa,  ashike ovanawino mehangano loiwana ya hangana ova popya kutya ovena oumbangi weli wanapo kutya  Rwanda  okuna omatanga aye oo taa kwafele ee rebels.

Omakuyunguto omo DRC okwa fiya ovanhu vahapu vxulifa,  omo mwa kwatelwa ovakwaita vetanga leameno la South Africa veli 14.

The post M23 rebels da kwatako odoropa ya  Kasugho, moushilo wa DRC first appeared on Future Media News.

The post M23 rebels da kwatako odoropa ya  Kasugho, moushilo wa DRC appeared first on Future Media News.