Aakwiita ya Cameroon 12 ya dhipagelwa moshiponokela shuusiku wa piti koongamba na Nigeria

Aakwiita ya Cameroon yeli 12 oya dhipagelwa moshiponokela shuusiku womandaaha kongundu yuukulo yo IS koongamba na Nigeria,shiikwatelela ketanga lyopakwiita lya Cameroon.

oshiponokela osha thigi wo aakwiita oyendji yeehamekwa nosha holoka momudhingoloko go Lake Chad pooha  nondoolopa Wulgo,shiikwatelela kuuministeli nena.

Onzonkundana yo Africa news oya lopota kutya omanga kaapena ongundu yeya poluyela moshiponokela,aanambelewa oya fekele kutya osha ningwa kaakwiita yo Boko Harama nenge ongundu yawo yo IS.’

Ongundu yo Boko Harama,kwali tango hayi longele mo Nigeria oya kutha iilwitho mo 2009,oku konditha elongo lyomuutokelo noku tulapo oveta yo Islamic.

Iikolokosha ngaashingeyi ya talikako ya kwata ethimbo mu Africa oyiihanena mo Chad,Niger nomo Cameroon.

Aakwashigwana 35 000 oya dhipagwa,noomilion dha thika pumbali oya tulululwa monooliuutokelo wa Nigeria,shiikwatelela kiigwana ya hangana.

Ekwatepombambyona lyaanona yoskola aakadhona 276 mo 2014 ko Boko Harama mo Borno ,moka omo mondingandinga yiikolokosha,osha halutha uuyuni.

Mu January ,aantu ya thika 40 oya dhipagelwa moshiponokela ko Boko Harama koongamba na Nigeria.

The post Aakwiita ya Cameroon 12 ya dhipagelwa moshiponokela shuusiku wa piti koongamba na Nigeria first appeared on Future Media News.

The post Aakwiita ya Cameroon 12 ya dhipagelwa moshiponokela shuusiku wa piti koongamba na Nigeria appeared first on Future Media News.