Ovalongwa va mana omadeulo avo moshikondo shounadiplomate vapewa eedjapo davo

Ofikola yaavo tave lihongele omayakulo ouna  Diplomate,  oya yandja eendjapo daavo vamana omadeulo avo osho sha ningilwa moshiputudilo shelongo lopombada sho UNAM.

Dr. Peya Mushelenga, eli ominister yoikwapondje no makwatafano elongelo kumwe oye ayandja pambelewa eendjapo kovalongwa vamana omadeulo avo.

Moshipopiwa shaye onga kwali omupopi afimana Dr. Peya Mushelenga, okwa denga omufindo nghene omadeulo ounadiplomate eli efimano lakula moku yandja ounongo wapumbiwa kovahongwa opo vadule oku kayadja omayakulo aavo ngaashi naana shapumbiwa moshikondo sho politika neliko.

Okwati omadeulo okuli yoo taa la lakanene oku nghonopaleka eyadjo leyakulo lopambelewa momayakulo ovaenda vafimana.

Okwati omadeulo enasha noudiplomate  ohaa yandjwa koiputudilo yomalongo opombada opo ku kwashilipalekwe eyandjo lounongo neshiivo lina ongushu kovalihongi , osho tati osho sha fininika ouminsitry woikwapondje nelongelo kumwe utulepo omukanda udafano twokumwe no shiputudilo sho UNAM mokuyandja ounongo kovalongwa.

Dr. Mushelenga,  pefimbo loshiindingili ta pupula kombuda ovalongwa ovo valonga noudiinini no veshipondola oku mana omadeulo avo.

Okwatwa yoo omukumo ovo veli moshikondo shomayakulo oikwapondje navo valandule oshiholelwa sha faafana osho tati oshili mouwa woku yandja eyakulo lo pamufika wo pombada moshikondo shounadiplomate.

Konyala eendjapo difike po 98 daavo vamana omadeulo avo, oda pewa oovene.

Oshikondo shomadeulo ouna diplomate osha yeululilwe pambelewa mu February 2023.

Photo:Contributed

The post Ovalongwa va mana omadeulo avo moshikondo shounadiplomate vapewa eedjapo davo first appeared on Future Media News.

The post Ovalongwa va mana omadeulo avo moshikondo shounadiplomate vapewa eedjapo davo appeared first on Future Media News.