Oshimaliwa shefo sha nuninwa Dr. Hage Geingob, shatulwa moilonga

Omu President Nangolo Mbumba, onghela okwa uvukulula noku tula moilonga oshimaliwa shefo osho sha nuninwa oo ali nale omutwe woshilongo Dr. Hage Geingob osho sha ningilwa mo  Windhoek.

Oshimaliwa shefo osha talika shili edidiliko loku yandja efimaneko koilonga pondoli oyo ya longelwa oshiwana komupresident akanangala Dr Geingob, oo amanene oweenda waye mo 04 Feb. 2024.

Omupresident Mbumba,  moshipopiwa shaye onga omupopi afimana poshiindingili onghela okwa tumbaleka oilonga aishe oyo yalongelwa oshiwana ko mupresident Geingob, temuhokolola nghene  ali shili omutungi woshiwana.

Oo eli ngoloneya woBank ya Namibia Johannes Gawaxab, okwati oshimaliwa oshili edidiliko lomido 60 odo da pewelwe oshiwana onga  eyakulo okudja ku  Geingob  pefimbo olo ali mekondjelo manguluko fiyo efimbo olo akaalukila moshilongo noku kwatela komesho oshilongo.

Ngoloneya teshi yelifa natango nghene ombaanga ina omafaneko oku kaetapo oimaliwa ikwao yomafo nayo ikukutu okufika momwedi wa  June.

Mo 2020, pefimbo oshilongo sha tyapulile ewanifo lomido  30th demanguluko,  ombaanga yo shilongo oyali ya pitifa natango oshimaliwa shefo shee 30 Namibian dollar,  osho tashi hangwa omitwe doshilongo kwali dili 3 mwakwatelwa omukokoli President Sam Nujoma, oo ali nale omupresident woshilongo Hifikepunye Pohamba oshoyo Geingob.

The post Oshimaliwa shefo sha nuninwa Dr. Hage Geingob, shatulwa moilonga first appeared on Future Media News.

The post Oshimaliwa shefo sha nuninwa Dr. Hage Geingob, shatulwa moilonga appeared first on Future Media News.